Делегација од Универзитетот за туризам и менаџмент од Скопје предводена од проректорот за меѓународна соработка проф. д-р Зоран Ивановски, доц. д-р Дејан Наковски и асс. м-р Мери Ничкова на 30.09.2016 година учествуваше на Втората меѓународна научна конференција SITCON 2016, во организација на универзитетот Сингидунум во Белград, Република Србија. Конференцијата ја отвори потпретседателот на Владата на Република Србија и министер за трговија, туризам и телекомуникации, Расим Љајиќ. Темата на конференцијата, на која со свои научни трудови активно учествуваше и делегацијата од Универзитетот за туризам и менаџмент од Скопје, беше „Квалитетот како основа за конкурентност на една туристичка дестинација“. Основна цел на конференцијата SITCON 2016 беше да обезбеди значителен научен придонес преку афирирање на современите менаџмент и маркетинг концепти во функција на подобрување на конкурентноста на туристичката дестинација, со посебен акцент на обезбедување на квалитет во туристичката индустрија како основа за конкурентност на туристичката дестинација. На Конференцијата беа презентирани над 250 научни трудови од еминентни претставници од десет земји од светот