По низата инспиративни предавања кои проф. Мутињо ги одржа на студентите и професорите на УТМС, консултациите, тематските средби и медиумските интервјуа, Универзитетот за туризам и менаџмент – Скопје на 23-ти Февруари 2017 година одржа Свечена седница на Сенатот на УТМС на која ректорот, проф. д-р Аце Миленковски, на професорот Луис Мутињо му ја врачи титула ПОЧЕСЕН ПРОФЕСОР. Со овој чин, Ректорот на Универзитетот, проф. д-р Аце Миленковски во името на студентите и академскиот кадар на УТМС изрази голема благодарност за извонредните залагања на професорот Мутињо за унапредување на соработката со УТМС на повеќе нивоа, несебично споделувајќи ги своите сегашни и минати истражувања, чија корист е огромна, како за научни, така и за практични цели.

Проф. д-р Луиз Мутињо има богата професионална биографија во која од посебно значење се интензивното академско образување и работа на сите континенти, објавените дваесет и пет книги од областа на потрошувачко однесување, психологија на купувач и стратешки маркетинг.

Неговиот научен опус брои над 130 научни трудови објавени во 24 меѓународни научни списанија. Тој исто така е член на уредувачкиот одбор на повеќе меѓународни научни списанија. Професор Мутињо има добиено бројни награди за врвни достигнувања во академските истражувања во Америка, Англија и Португалија.

Во своето обраќање пред Сенатот на УТМС, професорот Луис Мутињо, изрази посебна благодарнот кон ректорот на Универзитетот за туризам и менаџмент од Скопје, проф. д-р Аце Миленковски, при тоа потенцирајќи дека за него е огромна чест и задоволство што добил можност да соработува со Универзитетот и да даде свој придонес со споделување на академските знаења и бизнис практиките за примената на дигиталниот и мобилниот маркетинг, потенцирајќи ја неминовноста од креирање на бизнис код: ИДНИНАТА Е СЕГА. Во таа насока, професорот Луис Мутињо, истакна дека како пријател на УТМС и во иднина ќе соработува и ќе дава свој придонес во подобрување на академските компетенции.

Посетата на проф. Мутињо е од големо знање за развојот и глобалната академска интеграција на УТМС и македонското образование.