Во функција на апликативно претставување на предностите за студирање на Универзитетот за туризам и менаџмент-Скопје, матуранти од ОСУ „Јовче Тесличков”, СОУ „Кочо Рацин” и ССОУ „Димитрија Чуповски” го посетија универзитетот при што остварија средби со деканите, професорите и другите вработени со кои разговараа за условите и можностите за студирање. Воедно преку мултимедијална презентација им беше претставена методологијата на студирање со апликативност на платфотмата Е-студент, примената на дигиталната технологија во процесот на учење како и ентериерот на предавалните и амфитеатарот. Во непосредната комуникација со вработените, матурантите го искажаа големото задоволство и импресиите од атмосферата на УТМС како и од современите услови за студирање. По повод Денот на добри дела, 28 Април 2017 година, на матурантите им беа доделени ваучери за упис во прва година. Дел од матурантите донесоа одлука да студираат на УТМС.