Факултетот за менаџмент на човечки ресурси на УТМС во рамките на уписните рокови во академската 2017-2018 година, за новозапишаните студенти во прва година доделува ваучер од 500 ЕУ за сертифицирана обука за Ефективни стратегии за он лајн регрутации во функција на ефикасно и ефективно кадровско екипирање на организациите. Методологијата на обуката е интерактивна и содржи реални бизнис ситуации преку кои студентите ќе учат како теоријата да ја применат во реален бизнис контекст. Обуката ќе им овозможи на студентите на УТМС професионално профилирање за успешна работа како менаџери на човечки ресурси во владин и невладин сектор во земјава и странство.