На Универзитет Скопје, проф. д-р Аце Миленковски и извршниот директор на двократниот европски шампион РК Вардар , Борко Ристовски потпишаа Меморандум за соработка.

За таа цел, Универзитет Скопје ќе додели 15 целосни стипендии за упис на додипломски студии во академската 2023/2024 година.

И нашиот Универзитет и РК Вардар делат исти вредности- развој на спортот во нашата држава. 

Ректорот Миленковски рече дека Универзитет Скопје од овој момент натаму станува нераскинлив поддржувач на македонскиот РК Вардар и секоја поддршка што е во рамките на Универзитетот секогаш ќе биде дадена. “Со Вардар пораснавме ние, растат и нашите деца но и нашите внуци. Секоја спортска победа е победа на нацијата.”-додаде Ректорот Миленковски.

Директорот Ристовски се заблагодари на Универзитет Скопје за поддршката и додаде дека сите заедно како Македонци ќе работиме за воздигнување на овој македонски бренд за да го добие местото што го заслужува. “Вардар е на сите нас!”- додаде Ристовски.

Продолжуваме како Универзитет да го поддржуваме спортот во Македонија. Продолжуваме без запирање да вложуваме во здрава младина за доброто на татковината!