На 24 април во Александар Палас во организација и под покровителство на Универзитетот Скопје, беше одржана спектакуларна промоција на „Патот на Кобра до ѕвездите“, документарен филм за подемот на македонската легенда Дарко Панчев до европскиот и светскиот фудбалска трон.  

Еве што изјавија неговите пријатели и соработници што ѝ се обратија на многубројната публика во преполната сала на Александар Палас.

Проф. д-р Аце Миленковски, ректор на Универзитетот Скопје: „Им се поклонувам на публиката, на присутните легенди и ѕвезди кои не испочитуваа и со кои  заеднички направивме светски настан дома!“

Васил Рингов, фудбалер на Вардар: „Панчев нѐ направи европски првенци од Македонија, горди сме што ваква спортска легенда ги обедини сите најпознати фудбалски ѕвезди од регионот денеска тука!“

Бошко Ѓуровски, фудбалер на Црвена ѕвезда: „Дарко е легенда на која секој може да му позавиди, горди сме на него, среќни што неговата кариера конечно ќе ја видиме во филмски проект. Браво Дарко, новите генерации ќе имаат што да видат и да научат!“

Под генерално покровителство на Универзитетот Скопје, филмот „Патот на Кобра до ѕвездите“ е реализиран во организација и копродукција на Спорт клуб телевизија, Спортско радио 90,3 и Спорт нетворк продукција, а ќе се емитува како серијал од 6 епизоди на Спорт клуб, од почетокот на септември оваа година.