Познаници од детството, од улицата Пушкинова, од поплавените згради во Кисела Вода, речиси генерација, денеска се обајцата лидери. Проф. д-р Аце Миленковски, ректор на Универзитетот Скопје, лидер во високото образование, и фудбалската легенда, голгетерот на Вардар и на Црвена ѕвезда, Дарко Панчев. Обајцата оставија свој печат во времето, секој во својата професија, но кога двајцата се здружија – испишаа историја! Под покровителство на Универзитетот Скопје, се реализираш капитално филмско дело, серија од 6 епизоди за подемот на Дарко Панчев од улиците на Кисела Вода до врвот на европскиот и на светскиот фудбал. „Патот на Кобра до ѕвездите“, документарниот филм за Дарко Панчев, го создадоа за да ја сочуваат колективната меморија за македонското поднебје кое раѓало и ќе раѓа големи имиња, херои, ѕвезди! 

Погледајте го гостувањето на МТВ1 на овие двајца лидери, на самиот ден на грандиозната светска промоција на филмот, која се одржа на 24 април 2023 година во Скопје, во „Александар Палас“, под генерално покровителство на Универзитетот Скопје.