Во рамките на активностите планирани со наставната програма на факултетите при Универзитетот за туризам и менаџмент, студентите од првата година на сите факултети ја посетија Халк банка А.Д. Скопје.

При посетата, преку интерактивни презентации на раководителките на секторите за финансиско оперативни-системи и на маркетинг на банката, студентите имаа можност да се запознаат со различните аспекти на банкарското работење, како и со деловниот модел на самата банка.

По презентацијата, беа дискутирани и можностите за практична работа на студентите при студирањето, за вработување по завршување на студиите, како и за други видови соработка меѓу банката и Универзитетот.