Почитувани студенти,

Ни претставува особена чест и задоволство да ве поканиме да присуствувате на првиот, свечен, академски час за студентите запишани во прва година на прв циклус студии во академската 2022/2023 година.

Свечениот академски час ќе се одржи на 3 октомври 2022 година во Амфитеатарот на Универзитетот за туризам и менаџмент во Скопје со почеток во 12:00 часот.

На часот, со пригоден говор на студентите ќе им се обрати ректорот на Универзитетот, проф. д-р Аце Миленковски, по што деканите на секој од петте факултета на Универзитетот детално ќе ги престават програмите за работа и условите за студирање кај нас.

Упатуваме срдечни честитки до нашите нови колеги и им посакуваме многу успеси и академски достигнувања во годините што ќе ги поминат со нас!

Со почит,
Универзитет за туризам и менаџмент