Денес Универзитетот за туризам и менаџмент го посети делегација од високиот менаџмент и ученици од ПСУ „Јахја Кемал“.

Учениците имаа можност преку директен контакт со академскиот кадар од универзитетот да добијат информации за предностите за студирање на УТМС. Посебен интерес учениците пројавија за методологијата на студирање, меѓународно признатата диплома од УТМС и овозможувањето на пракса и учење преку работа. Некои од заинтересираните ученици побараа и имаа и директни консултации со деканите на факултетите за информатика, човечки ресурси и туризам.

Универзитетот за туризам и менаџмент е уникатен и по организирањето на континуирани предавања од визитинг професори на актуелни прашања од различни области. Учениците имаа чест да имаат кратко обраќање и од визитинг професорот Слободан Ивановиќ од Универзитетот во Ријека.

По разгледувањето на Универзитетот и непосредниот контакт со вработените учениците изразија воодушевување од современите и прилагодени на потребите на студентите простории како и пријатната атмосфера која ја шири кадарот кој е дел од УТМС.