Денес на свечената промоција на дипломирани студенти на Универзитетот за туризам и менаџмент, нашиот олимпец Дејан Георгиевски беше промовиран во дипломиран менаџер на човечки ресурси. Дипломата му ја врачи деканот на Факултетот за менаџмент на човечки ресурси, проф. д-р Александра Стоилковска.

Ректорот на Универзитетот за туризам и менаџмент, проф. д-р. Аце Миленковски, пред три години му додели стипендија на овој млад и надежен спортист. Денес, како веќе докажан и препознаен спортист, неговиот пат треба да продолжи кон успесите како во спортот така и во образованието. Токму затоа фондација проф. д-р Љубе Миленковски, основана од ректорот на универзитетот, проф. д-р. Аце Миленковски, на дипломираниот менаџер на човечки ресурси Дејан Георгиевски му додели стипендија за магистарски студии.