Се известуваат сите дипломирани студенти од претходните генерации на Универзитетот за туризам и менаџмент во Скопје, како и студентите апсолвенти во академската 2020/2021 година, кои ќе ги бранат своите дипломски трудови до крајот на оваа академска година, дека можат да го продолжат своето студирање во академската 2021/2022 година и да се стекнат со уште една диплома, за прв циклус студии со 240 ЕКТС.

Универзитетот за туризам и менаџмент од академската 2021/2022 година преминува на систем на студии 4+1, согласно новата акредитација добиена од Одборот за акредитација на високото образование на Република Северна Македонија со што дипломираните студенти од сите факултети при УТМС можат да продолжат на Економскиот факултет (на кој има три насоки: Финансии, банкарство и осигурување, Менаџмент на човечки ресурси и Меѓународен маркетинг менаџмент), како и на Факултетот за туризам.

Заинтересираните студенти треба да поднесат документи за упис во четврта година (копија од диплома, додаток на диплома, пријавен лист) до службата за Студентски прашања на УТМС.