Ректорот на Универзитетот за туризам и менаџмент, проф. д-р Аце Миленковски, на сите граѓани од исламска вероисповед им го честита големиот муслимански празник Рамазан Бајрам.

„Во мое име и од името на Универзитетот за туризам и менаџмент Ви го честитам големиот празник Рамазан Бајрам. Во ова време кога човештвото се соочува со тешка борба за справување со пандемијата предизвикана од корона вирусот, посакувам празнични денови да ги поминете во здравје, радост и хармонија.
Нека овие денови кај секој човек ги потврдат вредностите на слогата, толеранцијата и духовниот напредок и сите заедно да имаме спокоен и среќен живот. Убеден сум дека пораката на големиот празник уште еднаш ќе потврди дека со заеднички напори можеме да одговориме на предизвиците со кои се соочува современиот свет и сите заедно ќе бидеме добар пример за идните генерации“.