Почитувани студенти на прв циклус студии на Универзитетот за туризам и менаџмент во Скопје,
Ве известувам дека есенскиот семестар во академската 2020/2021 година на Универзитетот за туризам и менаџмент во Скопје ќе отпочне на 01.10.2020 година (четврток), според распоредот на настава што ќе биде објавен на Е-студент.
Сите студенти (редовни и вонредни), на Универзитетот за туризам и менаџмент во Скопје, мора да запишат наредна студиска година и есенски семестар во соодветната година на студии во академската 2020/2021 година, почнувајќи од 10.09.2020 година (четврток) најдоцна до 18.09.2020 година (петок). Студентите кои завршиле прва и втора година на студии, мора да запишат трет, односно петти семестар, за да можат да го продолжат понатамошното студирање.
Соодветната година и семестар се запишува во Службата за студентски евиденции со поднесување пополнет соодветен семестрален лист, кон кој треба да бидат приложени уплатници:
- за запишување на есенски семестар во академска 2020/2020 година,
- за литература и Е-библиотека за есенскиот семестар во академска 2020/2021 година и
- за уплатена школарина за студирање на УТМС во академска 2020/2021 година.
Редовните студенти при запишувањето треба да приложат и доказ (потврда) за успешно реализирана практична настава за академска 2020/2021 година, потпишана и заверена од компанијата каде праксата е остварена.
Молам за придржување кон ова известување и утврдениот рок за запишување на наредната студиска година и есенскиот семестар во академска 2020/2021 година.
Универзитет за туризам и менаџмент во Скопје
Генерален секретар
проф. д-р Јана Кукеска