Конзорциумот учествуваше на втората средба за проектот All Routes Lead to Rome. Поради пандемијата COVID-19, состанокот, првично планиран во Брисел, беше реализиран во онлајн режим, врз основа на агенда што ја развиваат и споделуваат заеднички сите партнери.

На состанокот, партнерите разговараа за напредокот на проектот и продолжување на роковите заради COVID-19. Особено, тие се фокусираа на состојбата со развојот на платформата -Отворени образовни ресурси која е веќе на интернет - https://romanroutes.eu/index.php. Понатаму, партнерите го презентираа мапирањето на претприемачкиот потенцијал на римските рути, развиен под интелектуален аутпут 2.

Во наредните месеци работата ќе биде насочена кон развој на содржини за обука што треба да се вчитаат на платформата, со цел да се понудат неформални образовни курсеви за претприемништво поврзани со туристички теми и потенцијалот на римските патишта, исто така, насочени кон лицата со посебни потреби.

Сите патишта водат кон Рим е проект ко-финансиран од програмата „Еразмус +“ на Европската комисија која вклучува конзорциум од 8 партнери од 5 земји (Белгија, Италија, Грција, Македонија и Шпанија).

Проектот има за цел да им овозможи на студентите на универзитетите да ги идентификуваат и да ги следат најдобрите стратегии за да го максимизираат економското враќање на мрежата на антички патеки, да развиваат основни и трансверзални вештини како што се самоувереност, лидерство и можност за работа во групи, решавање на проблеми, усовршување на дигитални вештини и повеќејазичност.