Туризмот е еден од најбрзо растечките сектори, со огромно економско, социјално и воопшто животно влијание во светот. Во Институтот за стандардизација на Република Македонија денес по тој повод е одржана конститутивната седница на Техничкиот комитет ИСРСМ ТК 44 – Туризам и сродни услуги, ISRSM TC 44 – Tourism and related services.

Од страна на Факултет за туризам на Универзитет за туризам и менаџмент во Скопје до Институтот за стандардизација на Република Македонија е поднесена иницијатива за формирање на Технички комитет преку кој ќе се одвиваат и ќе се застапуваат националните интереси и ставови, поврзани со дејноста на Туризам и сродни услуги. Од страна на ИСРСМ е прифатена и денес е формиран нов технички комитет ИСРСМ ТК-44.

За претседател на Техничкиот Комитет ТК 44 е избран доц. д-р Сашко Граматниковски од Универзитетот за туризам и менаџмент во Скопје.
Техничкиот комитет го сочинуваат претставници на високо образовни институции, државни институции, економски оператори и здруженија на граѓани.

Доброто управување и инвестирање во туризмот ќе помогне оваа брзо растечка гранка во индустријата уште повеќе да добие на квалитет, заштита на животната средина и безбедност на сите чинители во туризмот и сродните услуги.