Студентите од трета година на Факултетот за односи со јавноста при Универзитетот за туризам и менаџмент од Скопје, заедно со нивната асистенка м-р Магдалена Андоновска, имаа можност да ја посетат ново отворената телевизија „21“.

Посетата на оваа телевизија од страна на УТМС се случува како резултат на воспоставената практика на овој Универзитет, студентите да можат и лично да се запознаат со начинот на работа на телевизијата, која, пак е дел од наставната програма по предметот „Менаџмент на масовни медиуми“.

Студентите од ФОЈ при посетата на телевизијата од уредничката на македонската програма Искра Опетческа, имаа можност да се запознаат со начинот на кој се создаваат вестите и како истите се дистрибираа до конечниот консумент, односно гледачот.

При обиколката на телелевизија „21“ студентите ги посетија сите центри во телевизијата, тргнувајќи местото каде се пишуваат текстовите, потоа одделението за монтажа, одделението за режија и на крај во студиото каде се емитуваат вестите и емисиите.

Во текот на обиколката вработените во сите одделенија во телевизијата поеднично им го објаснуваа на студентите процесите на работа на една високо професионална телевизија.