Универзитетот за туризам и менаџмент од Скопје, во соработка со националното радио, Радио Слободна Македонија, на 27.12.2015 година ја емитуваше четириесет и третата емисија од серијалот емисии посветени на убавините и туризмот во Република Македонија.

Емисијата насловена како "Туристички витраж" се емитува секоја недела со почеток од 13 до 14 часот на брановите на Радио Слободна Македонија. Оваа недела, професорите и асистентите од Универзитетот за туризам и менаџмент, односно Доц. д-р Сашко Граматниковски како водител, заедно со неговите колеги Проф. д-р Мијалче Георгиевски и Асс. м-р Дејан Наковски, ја посветија на темата“Новогодишните празници во вкупното учество во туристичкиот промет“.

Во првиот дел од емисијата стана збор за начините на прославување на Новата година во светот, со напомена како истата се прославува во најатрактивните туристички дестинации, додека во вториот дел, се говореше за прославувањето на Новата година во Република Македонија, со посебен осврт на прославата во главниот град на земјава.