Следејќи ги глобалните процеси на технолошкиот развој и потребите на пазарот на труд, Универзитетот за туризам и менаџмент во Скопје отвори Факултет за информатика. Студиите по софтверско инженерство се со тригодишни и четиригодишни програми за прв циклус и едногодишни и двегодишни програми за втор циклус на студии.

Тим од докажани професори со долгогодишно академско искуство, од државните и приватните универзитети, ги обединија своите знаења и добри практики со докажаниот квалитет во наставата на Универзитетот за туризам и менаџмент во Скопје, и креираа студиски програми со кои се профилираат најбараните професионалци - програмери во областа на компјутерските науки.

Со најдобрите програмерски компании во државата, кои главно работат проекти за странски компании, се потпишани договори за реализирање на континуирана пракса и обука, со можност за вработување.

Визијата на Факултетот за информатика е етаблирање како водечки Факултет за информатика во сферата на приватното високо образование. За таа цел се обезбедени современи услови за студирање:

• Квалитетни студиски програми
• Врвен академски кадар
• Компјутерска инфраструктура
• Електронски изданија на стручната литература
• Програмерска практика во компании
• Студентска мобилност
• Можност за вработување уште во текот на студиите

Уписот за сите нови студенти, но и трансфери од други факултети е отворен.