Свечено отворање на првиот приватен Факултет за туризам, поставени темелите за нови генерации успешни професионалци.

Прва посета на Меѓународниот саем за туризам во Атина, Грција, по што следуваа десетици посети на домашни и меѓународни саеми.

Универзитет Скопје го основа Фондот „Проф. д-р Љубе Миленковски“ со цел да обезбедува поддршка и дава помош во развој на образованието и науката во Република Македонија преку стипендирање на талентирани ученици и студенти, кои постигнуваат високи резултати во учењето и студирањето.

Факултетот за туризам доби акредитација за Универзитет и станата Универзитет за туризам и менаџмент.

Директорот на Придружните членки на Светската туристичка организација при Обединети нации, Хавиер Бланко, во посета на Универзитет Скопје.

Во официјална посета на Универзитет Скопје - Извршниот директор на придружните членки на UNWTO, г-ѓа Јолада Пердомо, и г-дин Хозе Гонзалез Ривера, експерт по односи со јавноста. Причина за нивната посета, покрај редовните средби и контакти со УТМС, беше и нивниот интерес за заеднички развој и конкретизирање на проектот за спортски и адреналин туризам, но и подетално запознавање на Република Македонија како туристичка дестинација.

Универзитет Скопје е добитник на две престижни награди во областа на менаџментот, што ги доделува светски признатата Асоцијација за Менаџмент и консалтинг „Other Ways“ од Париз, Република Франција. Доделувањето на наградите се случи во Женева на 18-ти ноември 2013 година во „Grand Hotel Kempinsky“

Основано е Здружението на професори по географија - „ПРОФ. Д-Р ЉУБЕ МИЛЕНКОВСКИ“, кое работи под покровителство на Универзитет Скопје.

Сојузот на стопански комори на Македонија на Универзитетот за туризам и менаџмент во Скопје му ја додели бизнис наградата - Златна монета за високи стандарди во имплементирање на претприемништвото во областа на образованието во Република Македонија.

Универзитет Скопје, добитник на престижното „признание за македонски квалитет 2018”. Наградата доделена од Претседателот на Република Македонија Н. Е. д-р Ѓорге Иванов, во име на Универзитет Скопје ја прими ректорот на универзитетот, проф. д-р Аце Миленковски, кој во своето обраќање ја потенцираше посветеноста на сите вработени на универзитетот во следење и унапредување на високите стандарди за квалитет во високото образование и зајакнување на културата на квалитет во сите сегменти на работењето на универзитетот.

Ректорот на Универзитет Скопје, проф. д-р Аце Миленковски потпиша договор за соработка со проректорот за меѓународна соработка на универзитетот „Dąbrowa Górnicza” од Полска, проф. д-р Рафал Ребилас.

УТМС стана овластен центар за стекнување на меѓународно признат ESB сертификат за познавање на англиски јазик. Универзитет Скопје нуди нова можност за обука и полагање на испити за ESB North Macedonia за деца и возрасни од А1, А2, Б1, Б2, Ц1, Ц2, според Европската референцијална јазична рамка.

Потпишан меморандум за меѓународна соработка помеѓу Универзитет Скопје и факултетот за економска и деловна администрација од Универзитетот Сегед, Република Унгарија.

Плакета за посебен придонес во развојот на каратето за ректорот Миленковски. Универзитет Скопје е долгогодишен поддржувач на традиционалното карате во Македонија а на ректорот Миленковски му беше доделена плакета за посебен придонес во развојот на каратето во Македонија.

Ректорот на Универзитет Скопје, проф. д-р Аце Миленковски, ја доби наградата Маж со трајни вредности на официјалниот избор на манифестацијата „Мажи на годината“ за 2022 година, во организација на „Џентлмен магазин“.

Универзитетoт Скопје, главен покровител на документарниот филм, „Патот на кобра до ѕвездите“. Присуствуваа шестотина гости од Македонија и од регионот, спортисти, академици, бизнисмени, политичари, уредници на медиуми и истакнати јавни личности.

Во Рим, Италија, на Ректорот на Универзитет Скопје, Аце Миленковски, му беше доделена титулата „Амбасадор на образованието за 2023“ поради неговата истакната улога во промовирањето на образованието, подигањето на свеста за неговото значење и застапувањето за политики и иницијативи кои ги подобруваат можностите за учење за поединци и заедници.

Наградите „The Top of Business 2023 - Business Leaders Awards“, се признание во организација на „International Business Institute" и „IB Magazine“, кои работат повеќе од 20 години и ги препознаваат најголемите професионалци, компании и институции преку својот уреднички тим.

Универзитет Скопје доби сертификат со бонитетна оценка А+, што го вбројува меѓу компаниите со најдобра бонитетна оценка во Македонија. 

Студенти, професори и асистенти од Универзитет Скопје, предводени од ректорот, проф. д-р Аце Миленковски, беа во посета на Мадрид, каде што беа примени во седиштето на светската туристичка организација (UN Tourisam), а го посетија и саемот за туризам во Мадрид, FITUR 2026.