Денеска тимот на Универзитетот Скопје ги посети средношколците од СУГС „Кочо Рацин“ и од СУГС „Сарај“ во Скопје. На нашите домаќини, матуранти од овие две училишта, им ги презентиравме десетте причини зошто да го изберат Универзитетот Скопје за продолжување на своето образование. Матурантите особено се интересираа за нашите атрактивни студиски програми, современите услови за студирање на нашиот Универзитет, модерните предавални и е-библиотека, методологијата на работа што им овозможува завршување на студиите во рок, отворениот пристап на нашите професори. Особен интерес денеска разбудија нашите научно-наставни практикуми задолжителни за секоја студиска група, кои овозможуваат преку посета на релевантни настани во странство (саеми, конференции, проекти и слично), нашите студенти да се стекнат со непроценливи лични и професионални искуства!

„Универзитетот Скопје применува методологија на работа што овозможува да стекнете практични знаења и вештини, кои може да почнете да ги применувате уште додека студирате, кај компании-партнери на Универзитетот на пракса, или на нашите научно-наставни практикуми, или на проектите од Еразмус + во странство“, им порачавме на нашите домаќини. Раните уписи на Универзитетот Скопје се веќе во тек!