Денес, 24. април 2019 година, матуранти од СОУ „Јосип Броз Тито“, СОЕУ „Јане Сандански“ и СОУ „Таки Даскало“ од Битола беа во посета на Универзитетот за туризам и менаџмент во Скопје. На матурантите преку мултимедијална презентација им беше претставена заложбата на универзитетот за постигнување и одржување на клвалитет во високото образование.

Опременоста и условите за студирање кои ги нуди универзитетот предизвикаа интерес кај матурантите. За време на посетата тие остварија средби со деканите, професорите и другите вработени и добија можност преку директен контакт да се стекнат со сознанија кои ќе им користат во донесувањето на одлуката за изборот на нивното идно образование. Матурантите покажаа голем интерес за методологијата по која работи УТМС, како и за областите кои ги третираат факултетите. Дел од матурантите покажаа интерес да студираат на УТМС.