По повод Светскиот ден на туризмот, на традиционалната манифестација што Министерството за економија ја организира секоја година деканот на Факултетот за туризам на Универзитетот за туризам и менаџмент во Скопје проф. д-р Сашко Граматниковски, доби признание за придонес во туризмот.
На манифестацијата, над 50 признанија беа доделени на најуспешните поединци, здруженија и деловни субјекти од туристичкиот сектор.
Признанијата ги додели министерот за економија, г-дин Крешник Бектеши, а истите беа резултат на предлози кои ги даваат туристичките работници преку своите деловни здруженија и за прв пат годинава предлози за најуспешните во споменатите категории можеа да дадат потрошувачите.,
Ова е уште едно од низата признанија кои УТМС во континуитет ги добива поради своето професионално делување и влијание врз развојот на туризмот во земјава и пошироко.