По повод Светскиот ден на туризмот, 27 Септември, Министерството за економија додели признанија на најуспешните туристички агенции, хотелиери, туристички манифестации, најдобрите ресторани за 2019 година, како и на институциите кои континуирано придонесуваат за развој на туризмот во државата.

Г-дин Крешник Бектеши, Министер за економија, му додели признание за посебен придонес во областа на туризмот на Факултетот за туризам на Универзитетот за туризам и менаџмент во Скопје. Деканот на Факултетот за туризам, проф. д-р Сашко Граматниковски ја прими наградата на свечената манифестација во организација на Министерството на економија.

Ова е уште едно од низата награди и признанија за Универзитетот за туризам и менаџмент во Скопје како потврда за континуираното професионално делување во областа на туризмот.